سلام الله عليكم يا رجال العرف والمعروف |
|
سلام من صميم الروح والأيام كشافة |
|
أخص ابها الرجال اللي عملهم واضح مكشوف |
|
خلي امن الدغش والغش والمشبوه ما حافه |
|
ياكم شركة تأسس مير أنا ماني بها مكلوف |
|
أبشكر من كثير الناس رزقه جا على اكتافه |
|
حلى يا شركةٍ سطر لها التاريخ خمس اكشوف |
|
وفا واخلاص وصدق وصيت وعزٍ فوق مشرافه |
|
بناها صالح ابدم وعرق يوم الظروف ظروف |
|
غرس وأسقى وكد وجد وغير الله ما خافه |
|
يعيش اللي بنى الأمجاد ما خالطه ذل وخوف |
|
خذ الشيخة سليمان ابيمينه فرش ولحافه |
|
معه همة وله ذمة وفكرٍ خالف المالوف |
|
وأرحب في مدير الأفرع ابا الخيل واضيافه |
|
واحيي قايد الشطرين حايل والقصيم اصفوف |
|
إبراهيم الزميع اللي يحير كل من شافه |
|
عسى رب السماء من مد جوده يرزق الملهوف |
|
حداه الظرف واخلفه الزمان وبادت أطرافه |
|
ولا ننسى بالتحية كل منسوبٍ بعيد الشوف |
|
تخيرها على كل الوظايف والبخت ظافه |
|
واختمها ابذكر الله عليكم واقفل المظروف |
|
سلامٍ من صميم الروح والأيام كشافة |
|
واختمها ابذكر الله عليكم واقفل المظروف |
|
سلامٍ من صميم الروح والأيام كشافة |