مهد الحضارة


واكبدي اللي كل يوم تفوحي
فوح الدلال اللي على النار تصلاه
على العراق يجددن الجروحي
وحنا نشاهد كل ليلة مباراة
الشعب ينخانا يصيح وينوحي
الفزعة الفزعة وحنا مراواة
والغرب في مهد الحضارة يجوحي
والرافدين من الغضب يصطفق ماه
هذي سواة الكاولي النبوحي
صدام دمرها وقشع وخلاه
وانا احسب انه يشهد الله نصوحي
وأثره كما اللي طوح مقيط وارشاه
ياهل العراق الناس تبصر وتوحي
لكن محدٍ لمكم واحلالاه
شربوا من الذلة غبوق وصبوحي
عدونا غش الطعام وكليناه
يا المسلمين اصحوا قبل ما نروحي
ترى التحالف يا عرب طالت اخطاه
تخطيط صهيوني يشوح ويلوحي
تحت سمانا يالله انك تلقاه
راحت فلسطين وجبال وسفوحي
والشرق الأوسط كله ان ما مكناه
القصد واضح ما يبي له وضوحي
حملة صليبية من اقصاه لاقصاه