ما للمخيم كيف ببلا مضاوي |
|
ودوني الديرة عن البر مابيه |
|
وش عاد لو قلتوا مزوح وغناوي |
|
البر ما يصلح بليا مشاهيه |
|
يا وجد عيني ما تفيد المناوي |
|
إنك تجين وعيدنا نهتني فيه |
|
من دونك العيد بسواه متساوي |
|
دمعي على خدي عجزت أقدر اخفيه |
|
ياخيتي أونس على الكبد شاوي |
|
ما زل يوم إلا تجدد مكاويه |
|
يا طير يا للي مبعد بالحراوي |
|
ود السلام وهات رده لراعيه |
|
يالله يا للي فيك عبدك رجاوي |
|
تلم شمل فرق البعد غاليه |
|
قالوا لي اصبر قلت مانيب قاوي |
|
مجروح قلبي وام ثامر تداويه |
|
غلا مضاوي والقليب متخاوي |
|
من صغرنا بالحب والطيب نبنيه |
|
الله من يوم شربنا القهاوي |
|
وطبخ تحوفه مابه أحدٍ يسويه |
|
ملفى الجميع وريف من كان ضاوي |
|
عسى يروف ابها الضنى اللي تربيه |
|
الله يمتع فيك ياختي مضاوي |
|
ويردك لقلبٍ سكنتي نواحيه |