اللـه من شي بصـدري خفيتـه |
|
خلاّ شعر راسي بياض وانا شاب |
|
مشـيت درب ليتـني ما مشيـته |
|
حتى صهدني بالشـبك حـزم كـلاب |
|
ان قلت أبنكس قال عمرك شريته |
|
يشهد محمـد مع خواتـه والانسـاب |
|
وان قـلت ابثنـي طريـق بديتـه |
|
يقـول ويـلك يعـترض دربك الـداب |
|
لاشـك لا تنـدم على مـا كميتـه |
|
ياعل صبـرك للسـعد يفتـح البـاب |
|
من زين النيـه لقـى اللي حكيتـه |
|
انشد هل التجـريب واصحاب الالبـاب |
|
لاضاق صدرك فانـص ربك ابيتـه |
|
حيثـك بمكـه وارفع الكـف طـلاب |
|
يشفيـك مما حـل بك واشتكيتـه |
|
ربـك كريـمٍ مـن ترجـاه مـاخـاب |
|
ويرزقـك رزقٍ ماقعـدت وتنيتـه |
|
ويوسـع الدنـيا لـوجهـك بترحـاب |
|
دار الكـلام وماخـذيتـه عطيتـه |
|
هيضـت من مابـي ولانـيب مرتـاب |
|
وختمت بسم اللـه مثـل مابديتـه |
|
قلت القصيـدة كـل قـاف علـى آب |