سلامي على اللي يسكنون السلام اثنين |
|
سلام من اقصى الروح والنفس مرتاحه |
|
على غربي الديرة لقيت القسى واللين |
|
مريض الحشا وسطه يداوى اجراحه |
|
بها مزرعة حر كريمٍ وسيع العين |
|
وليد المحمد تعجبك هبت ارياحه |
|
الياجيت طلق الوجه تلقى حجاج زين |
|
ولد ما يحسب في خسايره وارباحه |
|
زبون الضعيف وعزوة العامل المسكين |
|
سماطه غدى ولا عشى دامت أفراحه |
|
وهذا يسجل في حسانيه يوم الدين |
|
وهايب من الرحمن يلقاه بوشاحه |
|
ويخشر معه من خلفه والمراجل دين |
|
عياله على سيرته يمشون بالراحة |
|
وانا اشهد شهادة حق ياجامع الثنتين |
|
مع اهل الوفا وافي وبالمزح مزاحه |
|
ملكت الجميع بفزعتك واشخصوا دهشين |
|
ولا هي غريبه منك ياطير بجناحه |
|
وانا ما عليّه لو على حلقي السكين |
|
كسبت المراجل يا ابيض الوجه بالساحة |
|
الى ضاقت الدنيا عليه يا أحمرالعينين |
|
نصيتك والى انك معك للباب مفتاحه |