هلا يا مرحبا حييت يا ذا الشاعر الضرغام |
|
تحية من صميم القلب والكم يفتح ابوابه |
|
مضى شهر رمضان اللي به العالم صيام قيام |
|
عسى عيده سعيد وكل قحطاني يتهنا به |
|
كثر خيرك على مدحي كما انك من سلال اكرام |
|
عسى ربي يوفقك وتوافق ساعة إجابة |
|
أنا يا عبد الهادي احفيت الرجول شرق وشام |
|
أقلب حظي اللي جعل مولاي يتمعنا به |
|
كثير الناس يا راع الوفاء للمال كالخدام |
|
وإلى منك نخيته قام كنه يلعب الطابة |
|
أنا بانشدك عن شيٍ بذا الدنيا كما المرسام |
|
يا ويل اللي يجي صوبه تشب النار بثيابه |
|
بعد هذا نعزمك للقصيم بديرة الحكام |
|
عنيزة للمراجل والوناسة دقت اطنابه |
|
تبي تلقى رجال تفتخر في عرفهم قدام |
|
يحبون الغريب وفيهم لبعض العرب ثابه |
|
بعد طاح المطر والوسم وسم زانت الأيام |
|
أوريك النفود اللي حلال القوم ترعابه |
|
وأذوقكم حليب البل ولاّ من حليب أغنام |
|
مكاشيت العرب يا بو سعد كلٍ تذرا به |
|
والى اشتد البراد نشب نارٍ تجلى الأعسام |
|
على شانك وشرواك الغضا له ناس حطابه |
|
يقيمون الشتاء فا البر كله للربيع خيام |
|
وبالصيف المزارع منوتك باللي تمنا به |
|
مزارعنا نخل بانواعه ورمان وفيها انعام |
|
كثيره من جليل الملك نشكر خير حنابه |
|
ترى هذي عنيزة يا رفيقي عذبة الأنسام |
|
رجال العلم فيها من قديم وراجع كتابه |
|
عسى ربي ياهب الريح يضفي نعمة الإسلام |
|
على كل البلاد ويحفظ ابن سعود وانسابه |
|
واختّمها بذكر الله عليكم والسلام ختام |
|
تحية من صميم القلب والكم يفتح ابوابه |