المنتخب


سلام ياهل الخيام اللي بعرق الحصان
ما ناحت الورق فوق الغصن بلحونها
أنتم لكم عادتن على مدار الزمان
من فوق عشرين عامٍ ما تخلونها
وانتم هل الطيب والجود واهل المكان
المرجلة عندكم تمشي بقانونها
إلى اختلط يا الرجال المستكا باللبان
أكيل ووفّي الكيلة بماعونها
المعذرة كان جتكم قاصره يا اخوان
والحق للشلة أسويه لعيونها
يالمنتخب ما ذكر فيكم اقصور وهوان
كل المكاشيت نقرتكم يعرفونها
هذا النفيسه على ما قيل سر وبيان
يمشي دروب قليل الناس يمشونها
ولا أقصر المدح عن باقي الرجال الذهان
سلايل عنيزة اللي ننثني دونها
ما يدخل الشك رجّال وسيع البطان
من مص ليمونها يذوق ليمونها
والختم صلوا على المبعوث والكيف زان
اعداد ما هلت الامطار بمزونها