آخر الأخبار

                                                            تخرج فيصل الصالح   |   مذكرة تفاهم اتحاد الضيافة   |   متجر تمور الكريدا   |   تخرج عبدالعزيز الدبيان   |  

إعجاب - قصيدة صالح المرزوقي

الشاعر صالح محمد الكريدا قصائد صالح الكريدا
نبي نسير يم راع السواليف
اللي إلى جوه المسايير هلا

اللي يرحب بالمسير مع الضيف
أبو محمد مجلسه ما يمَلا

شبّاب نار ولا حسب للتكاليف
يضحك حجاجه دايم مسفهلا

له مجلس يطرب له البال والكيف
في خيمة منصوبة وسط فيلا

مع دلة ما هي كما دلة حنيف
حبه من بلادٍ شمال المكلا

ترفع له البيضاء بروس المشاريف
اللي جمع للطيب دقٍ وجلا

عز الله أنه من رجالٍ عواريف
شرب من حياض المراجل وعلا

هذي شهادة حق من غير تزييف
شهادةٍ من واحد ما يزلا

صلاة ربي عد رمل العواصيف
على النبي ما طاف حافي وصلا

جميع الحقوق محفوظة © ALKraida.com 2014-2024