الله يقوي يا رجال العرف رجال المرور |
|
اللي على شان المواطن ما يمل من السهر |
|
المشكلات يحلها دايم على الشدة صبور |
|
لانهدّ بيت المعرفة أسس قواعده وعمر |
|
هذا الأسبوع اللي يمر يمر في كل الشهور |
|
ما هوب مقصور على ما قيل في يوم وشهر |
|
يا قرد حظ اللي يصيده لا يلف ولا يدور |
|
ما تنفعه لا واسطات ولا يفيد ابه العذر |
|
واللي تجوّد في النظام الله يكفيه الشرور |
|
يمسك طريقه محترم ما حس في زيد وعمر |
|
حافظ على الرخصة والاستمارة وافحص كل دور |
|
والزم طريقك لا مشيت الله يجنبك الخطر |
|
واحذر من السرعة ترى السرعة على ماقيل جور |
|
واللي معه عقله ودينه ما يفرط بالعمر |
|
اللي تمسك في نظام المملكة نور بنور |
|
واللي يتعدى الأنظمة في ذمتي خاب وخسر |
|
ما تنجبر يا اهل المعرفة والوفاء بعض الكسور |
|
حكمة نرددها على سمع البشر طول الدهر |
|
يا الله عسى حظ المرور اليوم ماهوب امعثور |
|
والله يعز المملكة ما هل همّال المطر |
|
وختامها صلوا على شفيعنا يوم النشور |
|
ما هب نسناس الهبوب وفاح بالدنيا عطر |