سلام من قلب لطيف حنونا |
|
بأهل الوفاء والطيب وأهل المشورة |
|
علي ابن أبو طالب قوي الركونا |
|
صاحب رسول الله والعلم نوره |
|
يا مرحباً بضيوفنا اللي لفونا |
|
اليوم ولع شمع الأفراح نوره |
|
يومٍ دعينا شرفوا واسعدونا |
|
في حفلنا اللي زينوه ابحضوره |
|
لي مدة وانا انتظركم تجونا |
|
ونعيش ذا الفرحة والأيام دوره |
|
حنا العيال وفكركم والعيونا |
|
من ماضي الديرة نسوي اسطوره |
|
يا حفلنا يا عزوة ما تهونا |
|
ترى الجناح أصل البلاد معصوره |
|
نبي نسولف كودكم ترغبونا |
|
عن ديرة يفخر بها أخو نوره |
|
هذي عنيزة كلكم تفهمونا |
|
إن الوفاء منها وفيها بذوره |
|
الشيخ ابن صالح سوات المزونا |
|
رش البلاد ونبته أطلق جذوره |
|
والشيخ ابن سعدي بالافكار أبونا |
|
كتبه تدرس والرجال امخبوره |
|
والقرزعي والدامغ اللي عطونا |
|
بالطيب والإخلاص كل بدوره |
|
ولابن العثيمين الدعاء شاركونا |
|
عسى الجميع من الثواب مخشوره |
|
الله يرحمهم كما علمونا |
|
ناسٍ لهم في ماضي المجد صورة |
|
هذا بعض ما عندنا سامحونا |
|
الوقت ضيق والولد من شعوره |
|
صلوا معي ياللي لنا تسمعونا |
|
على شفيع الخلق يوم النشوره |