غريب الكيف


انا ودي والـى ود الذي فـي خاطـري وده
يجيني بالفـريق اللي قـريب مـنه منـزاله
حبيب الروح ياروحي ملكـها مـا حد قـده
علشانه سهرت الليل وخـاطر صـاحبي داله
الى مني ذكرت اللي يخلط المزح في جـده
خفيف الدم غض العود حالي مـا تبي فـاله
الا ياطير خذ خطي تكـرم للغـضـي وده
لعله لا وصله الخـط يذكـرني على بـاله
انا صبري وصل ياهل المعرفه والنظر حده
قضى عمـري وقلبي بالمنى ما حقق امـاله
ولكني ابرجـى شوفته لو طـالت المـده
خيـاله دايمٍ عنـدي اراعي فـيه وابـراله
غريب الكيف انا ياحول فكري هاتـه ورده
اهوجس لين صارت عيشتي في زود غرباله
الا ياللـه طلبتـك سيدي لاتطـول الشـده
تسخـر لي حبيبٍ غـايبٍ ما دري عـن احـواله