ألف ولفت العشق بأول شبابي |
|
وجروح قلبي والهوى قد مضى بي |
|
من جور مابي ما أتحمل ثيابي |
|
بيح بسدي واحدٍ ما أقدر أسميه |
|
البا بلاني يوم أولف كلامي |
|
باسباب حبه بالياتٍ عظامي |
|
مع كل طيرٍ صرت أودع سلامي |
|
لاشك ما رده ولا قال قاريه |
|
التا تراني طول ليلي بحالة |
|
وما والله اذكر غاب عني خياله |
|
يا ناس أنا والله ما أرضى بداله |
|
يا شيب عيني من حفاه وتغليه |
|
الثا ثبت بالقلب ياناس حبه |
|
أزريت أدور يا هل العرف طبه |
|
حسبي على اللي صار للهجر سبه |
|
لو طالت الأيام مانيب ناسيه |
|
الجيم جار الوقت يا سيد الأحباب |
|
الناس مرتاحه وانا منك منصاب |
|
مير أرجي اللي من ترجاه ما خاب |
|
يصخرك لي والسر ما ودي أبديه |
|
الحا حبيبي باعني في زماني |
|
بارخص ثمن يوم ان حظي رماني |
|
يا أهل الوفاء ما يتعب المودماني |
|
يا كود شيٍّ للشقاوة يعنّيه |
|
الخا خذيت العقل مني وقفّيت |
|
ادعيتني لا نيب حي ولا ميت |
|
أطلب من الله كل ما الفرض صليت |
|
يلم شملٍ فرّق البعد غاليه |
|
الدال دامي يا جماعة لحالي |
|
فأنا خطير من المرض والهبالي |
|
بين الرجا والياس يا هملالي |
|
يصبح علي الصبح والليل ممسيه |
|
الذال ذاب الحال بفراق سيدي |
|
قالوا لي اصبر والصبر ما يفيدي |
|
متى نشوفك يا الغزال الفريدي |
|
ونعيد وقتٍ فات ما أحلى لياليه |
|
الرا رجيت الله يحقق مرادي |
|
مع لذة الدنيا مظنة فوادي |
|
أنا بوادي والخلايق بوادي |
|
يفز قلبي كل ما حل طاريه |
|
الزا زريف الطول زين التواصيف |
|
ياماخذا قلبي بحلو السواليف |
|
بيني وبينه يا عرب يطرب الكيف |
|
ليته يجي واللي وعد فيه يوفيه |
|
السين سم الحال في رمش عينه |
|
ياما حلى يا ناس طلعة جبينه |
|
أيضا ومع هذا معه خف طينه |
|
أنا أشهد إن الله بالزين كاسيه |
|
الشين شوري يا جماعة عليكم |
|
درب الهوى خلوه لا يبتليكم |
|
واللي حصل لي واعسى ما يجيكم |
|
كم ليلةٍ دمعي على الوجه غاشيه |
|
الصاد صدّوا لا لقيتوا مزايين |
|
نراهم أخطر من لهيب السكاكين |
|
مسكين راعي الحب يا ناس مسكين |
|
يروح عمره ما تحقق مناويه |
|
الضاد ضاع العمر والفكر مشغول |
|
قالوا لي انسه قلت ماهوب معقول |
|
الموجب انه ما بعد شيف له زول |
|
مصيون ما كلاً يحلّي حراويه |
|
الطا طعامي يا عرب والمناما |
|
ماطابلي سبة ظبي العداما |
|
إن ما لحقتوني يزيد الهياما |
|
يامن يجيب العلم يا من يوديه |
|
الظا ظنيني صد عني وخلان |
|
هرجة قفا لفلان وفلان وفلان |
|
يا بو عيونٍ كنها عيون غزلان |
|
ارحم عليل ما لقى من يداويه |
|
العين عفت النوم مما حصل لي |
|
يا روح روحي يا بعد كل من لي |
|
سلّيت حالي يا أتلع الجيد سلّي |
|
جسمي نحل ما باقي الا تواليه |
|
الغين غروٍ زاهي العود ما أحلاه |
|
أنا أشهد انه منوة اللي تمناه |
|
وحياة رب صوره ليت سواه |
|
انه خشير العقل محدٍ يوازيه |
|
الفا فراقه من عظيم البلاوي |
|
الموت عندي والحياة متساوي |
|
لو أتمنى ما تفيد المناوي |
|
ما زل يوم إلا تجدد مكاويه |
|
القا قوامه كنه الخيزرانه |
|
من شاف زوله ما تعدى مكانه |
|
أنا اشهد انه من عجايب زمانه |
|
أبيع انا غيره من الناس واشريه |
|
الكاف كل لا مني في عشيري |
|
قلت اسكتوا كل بحاله بصيري |
|
هذا هوى قلبي وهذا مصيري |
|
من بد كل الناس يا ناس ناقيه |
|
اللام ليت صويحبي يلتفت لي |
|
يقطعك دنيا عمرها ما صفت لي |
|
نوى حبيب الروح بالصد قتلي |
|
من حبني له لا زعل لازم أرضيه |
|
الميم ما كلٍ يداوي جروحي |
|
إلا انت يا خلي كثير المزوحي |
|
يا بو جديلٍ فوق متنك يلوحي |
|
بالمسك والعنبر على الطول غاذيه |
|
النون نومي يا جماعة تخافيق |
|
حملتني يا صاحبي فوق ما أطيق |
|
ارحم رحمك الله رب المخاليق |
|
ما هوب حق اللي شقا فيك تصخيه |
|
الها همومي في هواي اشغلتني |
|
شيّب بي الهوجاس من قبل حتني |
|
وام الهوايل بالهوى ولعتني |
|
من شانها ناديت لبّيه لبّيه |
|
الواو وصّفته ولا أوفيت الأوصاف |
|
وبيّنت عن شوقي لميّاس الأعطاف |
|
ماله شبيه بالمدينة والارياف |
|
الله يزيده ولشبابه يخليه |
|
اليا يعين الله على ذا الحياتي |
|
ما اظن فيه أحدٍ يسوّي سواتي |
|
واللي كتب ربي على العبد ياتي |
|
وحنا بدبرة خالق الكون بيديه |
|
وختامها صلوا عدد وبل الأمطار |
|
على محمد صفوة الخلق الأبرار |
|
شفيعنا يوم الحشر واف الأذكار |
|
آمين ياللي يابس العشب تحييه |