الا يا نجم ياللي مخلف مسراك حدر الليل |
|
مابين الجدي وسهيل اليماني صار لك غيبات |
|
وشفت المستقل من النجوم الساريات تميل |
|
ولكن كل نجم يغيب بالروحات والجيات |
|
مع الجدي الشمالي صار لك يا نجم حط وشيل |
|
ثلاث وخمس وأربع ما بهن في ما مضى شوفات |
|
لقيت سهيل في كبد السماء يلمع قوي الحيل |
|
وخاويته ولكن الليالي تخلف الهقوات |
|
ولك سجه مع المرزم عقب ما غاب نجم سهيل |
|
ولكن طلعة المرزم يجي في تالية غرات |
|
وحطيت الرجال بساحة الجوزاء مع التسهيل |
|
ولكن النجوم تعانق الجوزاء معك بسكات |
|
الين أمسيت وحدك بالسماء يا نجم ابو ذيل |
|
ماغير تراقب نجوم السماء وتدافع العبرات |
|
ابادلك على نجم يوفي من بخسه الكيل |
|
لعلك في فلكه تدور ثم تأخذ معه سجات |
|
تعلق بالثريا والثريا نجمها حلحيل |
|
لو انه للكليبين القريبة يرفع الرايات |
|
اقوله واذكر الله واكثر التكبيروالتهليل |
|
واصلي ثم اسلم واطلب الله بارء الجنات |