يوم الخميس


يوم الخميس اللي يوافق ثلاثين
من شهر ذي الحجة فجا القلب فاجي
في يوم واحد قبل تسعة وتسعين
نجم الخريف مركدات العجاجي
صادفت لي طفل زرقى برمحين
عليه من يد المخاليق تاجي
رمح سطا بالقلب من بين ضلعين
والرمح الآخر بالحشاشات لاجي
عليه تاج الزين وأشرف بثنتين
على القلوب الهايمة بالفجاجي
زود الحلى وإلا الحيا حاجب العين
وإليا تحدث كفه اللي يناجي
سبحان من سواه وأكمله بالزين
وخلاه فوق الناس في برج عاجي
يا لله يالمطلوب يا والي الدين
تسخره لي غيرك فلانيب راجي