يا عميد الخير يا راع الشريعة |
|
لو حضرت محاضرة لو ربع ساعة |
|
كان تأخذ لك ملاحظة سريعة |
|
ما تطيق الحر لو عندك مناعة |
|
يا سموم يجرح الوجه ويريعه |
|
تقل واقف في لواهيب وقلاعه |
|
مقصفك فيه الجراثيم الشنيعه |
|
والوصخ ناهيك عن سو البضاعه |
|
تطبخ الشاهي بقدر لك وسيعه |
|
تقل تطبخ لك ثني أو رباعه |
|
جبنها والبيض بالخبزه وديعه |
|
ما تحط الشطة إلا بالشفاعة |
|
مادري وش فيك غيرت الطبيعة |
|
ما عرضت المشكلة عند الجماعة |
|
همة المسئول في صيف وربيعه |
|
خدمة الطالب وهو عنده وداعه |
|
دايم عينك على الدار الرفيعة |
|
ترقب المجمول لابين شعاعه |
|
اتق الله عندنا الدعوى فظيعه |
|
ما ذكرته بالصحافة والاذاعة |