قصيدة السفاري


قالو سفاري وقلت الحبيب يا خليله
عزمه قوي ويمشي مشيه الراحه
تسعة وألفين يا هل العرف موديله
واللولو يلمع على جنبيه واجناحه
رقم مميز بوجه فيه تكحيله
اتنين بين أربعة ماحلاه وضاحه
الألف والسين والها ارموز وشي له
تعني أمان وسلام وهام شباحه
وسط الفياض الخضر تلقى مداهيله
يقطع دروب عسيرات بمر واحة
سهل التحكم مع اللفات والميله
اينومس اللي ركب ويهبهب ارياحه
سواقه اللي كثيرات محاصيله
ابو سليمان حاش الطيب وأرباحه
استاذ جيل من الرواد في جيله
تظهر خلاصة تجاريبه على الساحة
عسى السلامة ترافقه وتباري له
وتسهل امره وتكثر دايم افراحه