آخر الأخبار

                                                            تخرج فيصل الصالح   |   مذكرة تفاهم اتحاد الضيافة   |   متجر تمور الكريدا   |   تخرج عبدالعزيز الدبيان   |  

قصيدة بزملاء الهاتف عام ١٣٩٩ هجري

الشاعر عبدالعزيز عبدالله الكريدا قصائد عبدالعزيز الكريدا
الحمد لله ماشي بالعدالي
اموجه للخير مع شقة النور

مع ربعي اللي باللوازم رجالي
كل واحد بالطيب والخير مذكور

بالهاتف اﻻلي عسى العز فالي
وظيفة ٱمر وﻻنيب مامور

هذا (علي) لوترخص الناس غالي
ابوعبدالله للمواجيب مذخور

وذا (محمد) من يميني وشمالي
اخو عزيز وكل شيطان مدحور

و(عبدالله) اللي من قروم العيالي
الى نصيته عنده الراي والشور

وايضا (عمر) من طيبين الفعالي
ابومحمد بالملمات مخبور

وان قلت (تركي) ذالرفيق الموالي
دايم مع الفزعات له شان وحضور

وايضا (علي) ذيب المهمات عالي
(ابو سليم) لا تواسى على الكور

(عبدالعزيز) اللي من اول وتالي
رفيق درب ودايم يضبط الدور

والكل منهم لوتطول الليالي
وافي وﻻيمه مداخيل وقصور

ومعربين من عمام وخوالي
بمصاحبتهم اقطع الدرب مسرور

جميع الحقوق محفوظة © ALKraida.com 2014-2024